عمو قديم ملك التعليم
لازم نأخذ منه عظات
تعلى النبرة فى صوت الخبرة
ويحكى تاريخه فى إختبارات
يحكى الأول عن تجديده
واللى حكاه يرجع يعيده
كنت زمان... ملك الجان
والتجديد على إيد خواجات
عمو قديم
************
يرجع يحكى لك أمجاده
إزاى داس الشر قصاده
والأصوام.. كده ياسلام
ياسهرنا نصلى ساعات
عمو قديم
************
عمو زمان كان ليه أخين
كانوا ثلاثة إنما ألفين
أحيوا منابر زاروا عنابر
ياما كمان أحيو أموات
عمو قديم
************
يبدأ كل كلامه بكنا
ياما خدمنا وياما عملنا
ينسى مكانا وينسى كلامنا
زمنه الروحى فى نظره دافات
عمو قديم
************
يوقف كل نمو يشوفه
أى نشاط يحضع لظروفه
والترنيم والتعليم
كتبه السوده شبعنا سكات
عمو قديم
************
دايما ساخط على الأوضاع
بعد زمانه العالم ضاع
ولاإيمان..ولا إنسان
رب إمبارح عدى ومات
عمو قديم
************
عمو قديم مع طنط عديمة
عملوا كنيسة بموضة قديمة
إنعزلات.. إحتكارات
فكر عقيم منبعه فى الذات
عمو قديم
************
قاعد نايم فى الأطلال
فين بركات الماضى ياخال
ولا..كلام فى الأوهام
قصدك بيه نسمع فى عظات
عمو قديم
************
عمو قديم ياتجدد صوتك
ياتسمعنا بحب سكوتك
بكره الجاى...ماليان ضى
غير بس إنت العدسات
عمو قديم
************
إختباراتك حلوة أكيد
بس كيانك مش بيزيد
خليك حاضر
هنا فى الحاضر
خد م الماضى بداية وهات
عمو قديم
منقول
************