الأعمى يبصر

المساهمات : 3 تاريخ التسجيل : 11/11/2008

الأعمى يبصر

أنا الأعمى وكنت مش شايف وإن مشيت من طريق بكون خايف

خايف أمشى خايف أخطى فاقد دايما سر سعادتى

نفسى أتخلص من عجزى وحيرتى ولا عارف حتى كيف نهايتى

قدام المجمع مادد يدى وأقول فينك ياللى
بتدى

ولا واحد عجباه صورتى ولا تأثر حتى بيأسى

ولا حتى من قلقى يهدى واللى يحن على حنانه
وقتى

بدارى دموعى جوة عيونى وأقول ياظلمة إمتى تزولى

لم سألت إيه حكايتى قالولى أعمى منذ
ولادتى

قلت إيه بس خطيتى إمتى الغمة دي تعدى

مين من حولى خيبته خيبتى نفسى أشوف صورتى فى مرايتى

مر واحد غير الناس كله حب ودفا وإحساس

لم يعطينى ذهب أو ماس مش هاسيبك تانى تنداس

سألت قالوا لى والخلاص هو لوحده بس مناصب

وطى بإيده لمس الأرض بحب مالوش طول ولاعرض

صنع من التراب حتة طين أتارينى فى فكره وأنا جنين

مد إيده ودهن لى عينى وقال لى أذهب أغتسل بالميا

وبدا الأمل يتجدد فى وشفت النور والكون حوالى

سبت مكانى وعيشة الذل وبقيت حياتى فل الفل

هامشى وأخبر الناس والكل مافيش غيره هو الحل

إيه عملولى فى عماى الأهل إيه إدونى وقت المر

الناس قالو إزاى ده يحصل إزاى قدرت للنور تتوصل

قلت مر على يسوع وقالى لى تمنك أنت مدفوع

وقالوا إزاى فى يوم السبت خلاك فى طرفة عين أبصرت

من سؤلاتكم ياناس احترت مش هاختار ولاغيره أخترت

مش هاختار ولاهانهار دا إلهنا إله جبار

كل اللى اقدرأقوله ليكم
دا بقى معايا العمر بطوله